過世未婚妻現身的感人故事

故事主角男事主叫華英雄 :

我係一個有陰陽眼的男人。 係 1994 年認識到當時的女友 一拍即合, 無幾耐開始拍拖, 感情就一日千里, 直至二千年決定結婚。 同埋祝女友考到車牌, 所以送咗部車比佢。

佢當時真係開心到不得了。 直至婚禮前一晚, 竟然唔記得拎結婚介子, 原來係未婚妻屋企。

當時都好夜, 未婚妻揸車送黎我家。 但照傳統結婚前一晚新娘同新郎係唔可以見面。 其實我地都冇諗到呢一點, 於是佢就將介子送返俾我仲叫我唔好咁迷信, 之後佢就揸返車回娘家。

之後收到一個電話,一個令我哭成淚人甚至乎會暈低嘅電話。 電話裹面就係講我未婚妻岩岩係一個交通意外上生亡。 當時好多兄弟一起急去醫院 去到醫院就知道另一個嚇到我失控嘅消息, 未婚妻父母同我講意外好嚴重, 佢頭顱撞到不似人型。 我聽到之後就暈低咗。

去到出殯個日, 攪未婚妻生後事, 但係未婚妻家人一齊閙我, 話我係殺人者, 話我當日唔係買咗架車俾佢如果, 唔係結婚前一晚見面嘅話就唔會出事, 所以所有事情係我一手做成, 話我冇資格一齊辦佢生後事。 當時真係好傷心, 好心痛, 好想自殺 如果死咗的話就有機會見佢喇, 就算見到一面都心滿巳足。

於是我就服食安眠藥自殺, 但係最後都俾屋企人發現送咗我去醫院。 醒返先知個一刻比家人救返。 屋企人叫我唔好咁傻唔好亂諗嘢, 如果俾佢知道都會傷心。 但當見到佢嘅相片同物品嘅時候, 我好傷心, 哭成淚人。 有一樣野最可悲嘅係 — 我係一個有陰陽眼嘅人, 我竟然見唔到佢。 我不停問自點解…… 點解…… 呀…… 點解我見到四周圍嘅靈體就偏偏見唔到你, 我真係好想見你一面。 無論家人講佢頭部重創到不能認辨都好, 我都唔在乎。

有一日婆婆黎我屋企, 其實我婆婆都有陰陽眼。 入到我地屋企同媽媽講有一個靈體, 仲形容靈體個頭顱好恐怖, 就問媽媽知唔知係邊到野返黎 我當時好想知係唔係佢。 但出到去嘅時候咩野都見唔到, 再問婆婆嘅時候佢話巳經走咗喇。

真係好傷心, 真係好想見到佢, 好想知係唔係佢呀。 婆婆知道我好唔開心好想見佢一面, 所以婆婆就留低住幾日打算幫我睇住出面有冇靈体再出現。 但希過咗幾日之後都唔見個靈體出現所以婆婆打算返回自己屋企。
婆婆係離開之前同我講:“要好好生活, 唔好亂諗野”。 當時我冇回答婆婆, 因為我當時聽緊一首歌, 而首歌我好鍾意, 而且未婚妻身前嘅時間成日話我:“點解成日都係聽而首歌?冇第二首咩?” 呢首就係劉德華 – 無出息的漢子(這般傷感氣氛 這天嚴寒 氣溫 能將這曲折的愛情 冷靜……)

當婆婆離開嘅時間, 再次見到該靈體係門口,不過佢入唔到屋。 當我出到去嘅時候又係咩都見唔到。 個時候我再次失控, 不停係門口問 “係唔係你呀?! 係唔係你呀?!如果係你嘅話, 你出黎喇!! 好痛苦呀!!! 點解你唔現身出黎俾我見你?! 點解只係俾婆婆見到?!”
實在情感太失控喇, 跟住就暈咗, 醒返個陣巳經係醫院。 係醫院果兩日我成日諗點解見唔到,有咩方法見到佢呢?! 過咗兩日出院 返到屋企再問婆婆佢係唔係到, 婆婆話咩都見唔到。 當我再次聽沒出息的漢子嘅時候婆婆即刻同我講個靈體出現。 我終於明白有咩方法先可以令到佢出現, 原來就係當我聽到沒出息的漢子嘅時候佢就會出現!

可能屋企有地主同神台,所以佢入唔到黎。 所以我叫咗屋企人封住地主神台, 跟住再播呢首歌, 婆婆話佢真係入咗黎。 但個陣婆婆巳經有異樣 變咗另一個人咁。 好似俾靈體上身咁。 我就問:“你係邊個?! 做咩上婆婆身?! 婆婆年紀大受唔住架!!”。 佢終於開口講野喇, 佢話佢係我未婚妻, 佢講都好想見到我, 但係由於死狀太恐怖, 好怕出現會令你好驚。 我同佢講之前佢家人唔俾相見嘅事一五一十講哂俾佢知。 佢當場豪哭齊上來, 而我都邊講邊喊。 呢個時候我同佢講我有陰陽眼, 點解唔出黎見我, 就算你變成點我都唔介意, 我都係咁愛你。 佢聽完我咁講真係現身比我見。 我見到佢真係傷得好嚴重, 但係巳經唔理咁多喇, 我抱住佢…… 我感覺到只係抱著一股冷空氣。 不過係心裹面就好溫暖, 好唔捨得佢, 唔捨得佢走。 但佢話唔可以再留下了, 一定要走了, 佢話可唔可以再播一次劉德華嘅沒出息的漢子一路聽, 一路抱著佢, 佢巳經覺得好滿足。 於是一路抱住她, 一路聽著這首歌…… (如同 沉睡恬靜躺著 安心歸去 安息中寄居)

但播到最後終於要分開, 佢身體愈來愈沒色, 聲音愈來愈細。 同我講最後一段話:“唔好再亂諗野, 好好地生活, 搵一個好嘅女仔 組織一個家庭,我會係另一個世界會守著你……”。

佢講完之後就消失咗, 但係我真係接受唔到佢嘅離去。 雖然佢叫我唔好再諗佢, 但係當我每次聽沒出息漢子嘅時候, 我又再一次不禁諗返我同佢嘅晝面。 我諗呢一世我都唔會忘記你……

我呢一個個案可能唔係咩恐怖驚嚇故事, 不過我想同大家講嘅係…… 珍惜眼前人!

, , ,

No comments yet.

發表迴響

Powered by WordPress. Designed by WooThemes