86年最猛鬼故

86年最猛鬼故

86年最猛鬼故

八六年嘅新春, 大關旅行社一個女領隊帶團去海南島, 果時嘅海南島無咩夜生活, 所以女領隊響到咗當地嘅當晚(初一晚), 買咗好多花生啤酒, 同班團友坐響空地樹, 傾下計談下心。 差唔多時間就返酒店休息, 并講定第朝幾點響酒店集合當中有兩個來自香港嘅單身男團友被編入一間房。 或者過慣夜生活嘅佢地, 太早訓唔著, 所以其中一個提議去附近一個叫小東海嘅海灘傾下計。

到達後, 一個響海灘玩沙執貝殼, 一個落咗水游水…… 過咗陣, 執貝殼果個男仔發覺另外個男仔游游下水唔見咗, 個男仔不以為意, 以為男仔游游下水可能上返岸返咗酒店。 所以個男仔自己返酒店, 無會合果個游咗水嘅男仔。

第二日, 果個游咗水嘅男仔仍然無返酒店, 領隊問起, 佢同房就話琴晚去過邊度邊度, 於是領隊同導遊都推算呢個男仔可能離開咗去探佢響海南島嘅親戚, 商議後決定由個領隊留守酒店等個男仔, 導遊同其他團友繼續出去玩,

可惜直至個導遊玩完返黎, 個男仔仲未出現, 領隊同導遊最後決定報警。 結果, 響附近嘅小東海撈起條屍, 領隊同導遊認屍後, 証實係果個失蹤嘅男仔…… 屍撈起時, 全身白腫, 口同鼻孔都塞滿沙, 死狀恐怖, 由於新春期間醫院唔開, 所以條屍被逼運去佢地住嘅酒店, 開到最大嘅冷氣再用冰密封, 市政府同時亦通知死者響香港嘅家人儘快黎認屍。 可惜新年期間, 辦出入境手續好麻煩, 結果佢嘅家人延誤差唔多兩個禮拜先趕到去, 市政府解剖屍體後, 未等佢家人過黎就燒咗條屍, 最後佢嘅家人獲旅行社三萬蚊嘅賠償, 佢家人亦將佢嘅骨灰帶返香港, 事情暫時好似告一段落……

兩個月後, 果間旅行社再派團去海南島, 領隊同樣係果個女仔, 同樣入住同一間酒店。

響第一晚, 個女領隊沖完涼後上床休息, 熄燈後突然聽到洗手間有花酒聲傳出, 女領隊可能因為太倦, 所以無理會照訓。 第二朝起身, 發覺自己唔係訓緊自己間床而係房間外嘅走廊……

第一反應當然嚇親, 下意識以為有賊, 於是立即檢視自己財物有無唔見, 結果一切安好, 女領隊心已經一怯, 不過都當無事發生。

同一日, 當女領隊帶完團友出外再返酒店後, 整團團友嘅行李發覺被離奇地掟出走廊。

果一晚, 女領隊上床準備休息, 當熄燈後, 女領隊清楚咁聽到外有人敲打, 夾雜一把聲:「領隊, 帶我返香港!」

後來, 大關旅行社包架機, 載一班法師過去招魂同超渡, 報紙都有賣, 幾大陣象下 。 後來件事平靜過來, 不過女領隊返到香港不停發惡夢。 有大師教佢, 自己一個人住同一間酒店, 一間房, 第朝響死者遇難嘅地方將見到一個椰子, 將呢個椰子帶返香港就無事。 女領隊最後照做, 事情最後都完結。

到宜家, 再無人敢住呢間酒店, 連服務生入夜都唔夠膽再入去……

原文:http://www.lalulalu.com/thread-1979292-1-6.html

, , , ,

Trackbacks/Pingbacks

  1. 導遊女領隊撞鬼 | Guys's Talk - 七月 22, 2014

    […] 以上来源互联网 […]

發表迴響

Powered by WordPress. Designed by WooThemes